Policia e Korçës ka vënë në pranga tre tre doganierë për “Shpërdorim detyrë” edhe tre të tjerë për veprat penale “Kontrabanda me mallra të tjera” dhe “Kontrabanda me mallra që paguhet akcizë”.
Sipas policisë të arrestuarit janë, Floben Guxho, 46 vjeç, Klodian Nastimi, 34 vjeç, Rernato Molla, 33 vjeç, Kristi Meslani, 23 vjeç, Rezart Shega, 29 vjeç, banues në Devoll dhe Mario Berberi, 26 vjeç.
Arrestimi i tyre është bërë në aksin rrugor Bilisht-Korçë, në afërsi të fshatit Dishnicë, ku fillimishtë janë kapur në flagrancë shtetasit Kristi Meslani dhe Rezart Shega të cilët drejtonin mjetet me targa AA 170 UF dhe AA 226 GH, duke transportuar një sasi të konsiderueshme me pije energjike dhe pije të tjera, të dyshuara si kontrabandë të cilat u sekuestruan në cilësinë e provës materiale.
Nënë cilësinë e proves materiale policia ka sekuestruar një sasi pijesh të dyshuara si kontrabandë, për të cilat tre doganierët dyshohet se kanë lejuar kalimin e tyre, pa ushtruar kontrollin përkatës.
