Gjysmë vëllai i Kim Jong Un u vra në Malajzi me urdhër të qeverisë së Koresë së Veriut. Kështu thuhet në përfundimin e arritur nga agjentët e SHBA-ve për zbardhjen e plotë të vdekjes së Kim Jong Nam, i cili humbi jetën një vit më parë në aeroportin e Kuala Lumpur, kur dy gra i hodhën në fytyrë një substancë.
SHBA paralajmëron se do të vendosë sanksione të reja ndaj Kores së Veriut, mbi ngjarjen. Por Koreja e Veriut këmbëngul se nuk asnjë lidhje me vrasjen.
Kim Jong Nam, u anashkalua nga familja e tij, në mënyrë që udhëheqja e vendit t’i kalonte diktatorit në fron Kim Jong Un, kështu që ai e kaloi një pjesë të madhe të kohës jashtë vendit. Ai njihej si kritik i ashpër i kreut të Phenianit, besonte se gjysmë vëllait të tij i mungonte cilësia e lidershipit.
Dy gratë që patën kontaktin e fundit me Kim Jong Nam në aeroport, janë ende në proces gjyqësor për vrasje. Ato dëshmojnë se po bënin një shaka për një shfaqje televizive, dhe nuk kishin si qëllim vrasjen.
