Kryegjyqtarja e Elbasanit, Enkeleda Kapedani u pezullua nga detyra.
Vendimin e mori Këshilli i Lartë Gjyqësor, i mbledhur këtë të hënë për të vendosur për fatin e saj, pas videove në “Tik Tok”. Enkeleda Kapedani shfaqej në video duke “sfiluar” në korridoret e gjykatës, ndërsa edhe këndonte.
“Në rastin konkret ekzistojnë kushtet ligjore për caktimin ndaj magjistrates Enkeleda Kapedani të masës provizore të pezullimit nga ushtrim i detyrës deri në përfundimin e procedimit disiplinor, për shkak se vazhdimi i magjistratit në detyrë diskrediton rëndë figurën dhe pozitën e magjistratit”, tha kreu i ILD-së, Artur Metani.
Kapedani u përlot para anëtarëve të KLGJ-së dhe tha se po bëhet “kokë turku”.
