Kapiteneria e Portit të Vlorës ka njoftuar ndalimin e përkohshëm të lundrimit për anijet e peshkimit dhe mjetet e tjera të vogla lundruese, për shkak të përkeqësimit të kushteve atmosferike.
Lartësia e dallgëve në det pritet të arrijë nga 1.5 deri deri në 2.5 metra, duke krijuar rrezik potencial për mjetet e vogla që operojnë në det të hapur apo brenda dhe jashtë Gjirit të Vlorës.
Ndërkohë, anijet e transportit ndërkombëtar detar do të vazhdojnë aktivitetin normalisht sipas destinacioneve të planifikuara, pasi kushtet aktuale nuk përbëjnë pengesë për mjetet më të mëdha.
/vizionplus.tv
