Dy inspektorë të AKU në Korcë janë pezulluar nga puna. Klement Kodra dhe Daut Pepa me detyrë inspektorë pranë AKU Korçë janë pezulluar nga detyra një ditë pasi në një magazinë ushqimore në Korçë u sekuestruan 2 ton pije të skaduara dhe mallra të tjerë ushqimorë.
Sipas të dhënave nga burime brenda AKU pezullimi i dy punonjësve ka erdhur pasi pak ditë më parë ata kanë ushtruar kontroll tek subjekti “Argentili” dhe sipas raporit të paraqitur prej tyre subjekti ka rezultuar në rregull.
Vetëm pak ditë më vonë një inspekim i drejtorisë së përgjithshme të Aku konstatoi disa shkelje nga ky subjekt ndërkohë që mësohet se për dy punonjësit do të depozitohet padi penale nga drejtoria e përgjithshme.
