Trupat e pesë skiatorëve janë gjetur nga ekipet e shpëtimit pranë resortit luksoz Zermatt të Zvicrës, shkruan BBC.
Dy alpinistë që ngjiteshin në Rimpfischhorn, një majë 4,199 metra në Alpet Valais, ngritën alarmin dje pasdite pasi vunë re praninë e çizmeve të skive në rrëzë të majës, por pa hasur pronarët e tyre.
Kërkimet ajrore dhe tokësore çuan në zbulimin e trupave poshtë majës në akullnajën Adler, tha policia lokale e Valais në një deklaratë të dielën.
Viktimat u gjetën në lartësi të ndryshme pranë kufirit zvicerano-italian.
Tre trupa u gjetën në një zonë dhe dy të tjerë u zbuluan më lart, tha shërbimi i shpëtimit Air Zermatt.
Identitetet e tyre nuk janë bërë ende të ditura zyrtarisht.
Zyra e prokurorit publik ka hapur një hetim për rrethanat e aksidentit./vizionplus.tv
