Përurohet shkolla me emrin e Dëshmorit të Atdheut ‘Klodian Tanushi’/ Rama: Sakrifikoi jetën për Atdheun

Kryeministri Edi Rama ishte sot i pranishëm në përurimin e një shkolle të re në Qesarakë.

Kjo shkollë do të mbajë emrin e Klodian Tanushit, ‘Dëshmor i Atdheut”, majori që humbi jetën në krye të detyrës në Letoni.

Në fjalën e tij, kryeministri Rama tha se ky gjest tregon se sakrifica e majorit do të mbetet në kujtesën kombëtare, ndërsa vlerësoi punën e tij në shërbim të atdheut.

Rama u shpreh se shembujt të tillë duhet t’u prezantohen fëmijëve e të rinjve në shkolla si frymëzim për përkushtimin që kanë dhënë ndaj atdheut.