Përgjegjësi i grupit operativ të OSHEE, Prrenjas është dhunuar këtë të martë. Informacionet bëjnë me dije se shefi i Grupit Operativ te OSHEE, Reshit Karriqi është goditur për shkak të detyrës.
Karriqi është goditur me grushte dhe mjete të forta në momentin që ai ka qenë duke u kthyer për në zyrë nga lagja Prrenjas Fshat ku kishte kryer manovrime në kabinën elektrike nga shtetasi Artan Kokonozi banues në Prrenjas.
Dhunuesi rezulton të ketë zaptuar me dhunë tri muaj më parë një ambient që është në pronesi të OSHEE. Kokonozi pasi e ka zaptuar këtë objekt që dikur ka shërbyer si zyrë e ndërmarrjes së ish elektrikut ka sistemuar familjen në të duke pretenduar se e ka kthyer në banesë nê të cilin është ndëprerë energjia pas zaptimit nga Kokonozi.
Shefi i Grupit Operativ bashkë me Shefin e Agjensise kanë berë denoncim për zaptimin nga ky shtetas. Ky denoncim është bërë në Posten e Policisë në Prrenjas për rastin në fjalë.
Ka qenë ndërhyrja e kalimtarëve ka arritur të frenojë agresorin pasi situata mund të perkeqesohej pasi agresori njihet edhe si person me probleme të shëndetit mendor.
