Përplasje të forta para kryeministrisë, gurë, gaz dhe ujë! Bulevardi shndërrohet në arenë lufte

Tensionohet sërish situata para Kryeministrisë. Protestuesit janë rikthyer sërish te hedhja e gurëve dhe sendeve të forta ndaj uniformave blu.

Nga ana tjetër, policia vijon të kundërpërgjigjet me gaz lotsjellës dhe ujë.

Prej katër ditësh, Kryeministria është kthyer në arenë përplasjesh mes policisë dhe protestuesve.

Më herët, Ministria e Shëndetësisë përditësoi të dhënat, sipas të cilave, dhjetëra policë dhe protestues ndodhen në spital për ndihmë mjekësore, pasi kanë mbetur të lënduar gjatë përplasjeve.