Ministri i jashtëm Nikos Kotzias u ka dhënë një përgjigje të prerë dhe të qartë qarqeve nacionaliste të cilët pretendojnë se Epiri i Veriut është Greqi.Deklarat shefi i diplomacise i beri gjatë një interviste radiofonike.
NIKOS KOTZIAS
MINISTER I JASHTEM I GREQISE
“Është qesharake të besohet se Epiri i Veriut i përket Greqisë. A i njohim kufijtë e formuar nga Akti Final i Helsinkit? A e njohim Aktin Final të Parisit të vitit 1926? A i njohim rezultatet e dy luftërave botërore? A e njohim Ligjin Ndërkombëtar dhe a duam të mbështetemi në të? ” Këto nuk janë lojëra. Disa e bëjnë lojëra të vogla dhe në perëndim, thonë për Çamërinë në shkëmbim me Epirin e Veriut etj. Ata duket të harrojmë se ajo që ne tani e quajmë Vorio Epiri i takon sot në një shteti sovran, të pavarur. Dëshironi të bëni luftë dhe të ndryshoni kufijtë apo ne ende besojmë në të Drejtën Ndërkombëtare? “
Ndërkohë gjatë një konference për mediat Ministri i Mbrojtjes Panos Kamenos, njëherësh aleat i qeverisë Cipras u shpreh se historia nuk mund të deformohet duke ndare keshtu nje qendrim krejt te ndryshem me Nikos Kotzias
PANOS KAMMENOS
MINISTER I MBROJTJES I GREQISE
Epiri i Veriut është zonë ku grekët kanë ekzistuar dhe do të ekzistojnë, do të mbrohet minoriteti. Për çka flitet për kthimin e pasurive nuk kanë lidhje me çamët. Çamët janë kriminelë lufte të cilët bashkëpunuan me nazistët dhe me kriminelë të luftës nuk bashkëbisedojmë. Çështjet e tjera që i përkasin të dyja vendeve do të diskutohen dhe do të zgjidhen paqësisht. Është në interesin e të gjithëve të zgjidhen problemet. Historia nuk mund të fshihet.
Ministri grek i mbrojtjes shtoi gjithashtu se Greqia dhe Shqipëria janë prane finalizimit të marrëveshjes për detin. Sipas tij Athina ka aritur te marre ate qe ka kerkuar nga Tirana.Në lidhje me emrin e ri të Maqedonisë Kamenos deklaroi se do të marrë pjesë në samitin e natos të datës 11-12 korrik dhe marrëveshja në parlamentin grek mund të kalojë vetëm me shumicë të cilësuar votash. Në të kundërt sipas kreut te partise greket e pavarur vendi do te shkoje ne zgjedhje.
PERPLASJE PER “VORIO EPIRIN”
KOTZIAS: JO NDRYSHIM KUFIJSH, KAMMENOS: HISTORIA NUK HARROHET
