Përplasje për “qeverisjen e drejtësisë”
Këshilli i Larte Gjyqësor dhe Këshilli i Larte i Prokurorisë, ishin dy institucionet qe bllokuan arritjen e marrëveshjes per reformën ne drejtësi, deri pasditen e 21 korrikut. Sot janë serish keto dy institucione qe kane futur ne konflikt maxhorancen edhe opoziten e kjo e fundit bojkotoi komisionin pasi ligji per Këshillin e Larte Gjyqësor e atë te Prokurorisë, shkel Kushtetutën e miratuar me konsensus. Shkak për konfliktin eshte bere procedura per zgjedhjen e anëtareve jo gjyqtare e jo prokurore ne keto dy institucione. Sipas marrëveshjes se arritur ne 21 korrik 5 anëtaret e Këshillit te Larte Gjyqësor e te Prokurorisë zgjidhen; dy nga radhët e avokateve, dy nga trupa e pedagogëve dhe nje nga shoqëria civile. Mbi kete parashikim kushtetutës ligji sanksionon se anëtarët që përfaqësojnë avokatinë zgjidhen nga kuvendi, bazuar në propozimin e dhomës kombëtare të avokatisë dhe anëtarët që përfaqësojnë trupën e pedagogëve të drejtësisë zgjidhen nga Kuvendi bazuar në propozimin e mbledhjes së posaçme të drejtuesve të institucioneve të arsimit të lartë që ofrojnë programe studimi në drejtësi dhe të shkollës së magjistraturës. Por per demokratet kjo eshte e papranueshme pasi marrëveshja e 21 korrikut parashikonte kandidim te lire. Por socialistet kane miratuar nenet e para te këtij ligji duke sqaruar se ai eshte ne përputhje me Kushtetutën, por edhe me Komisionin e Venecias, i cili ne opinionin përfundimtar per anëtaret e këtyre dy institucioneve thekson se “Distanca e tyre nga politika mund të sigurohet nëpërmjet një procesi të hapur dhe transparent nominimi, me nismën e organeve të pavarura nominuese (Universitete, OJQ, Dhoma Avokatie, etj.)”. Ligji për “organet e qeverisjes së sistemit të drejtësisë” është ligji me i gjate i reformës ne drejtësi; ai ka plot 198 nene dhe rregullon funksionimin e 5 institucioneve; Këshillit të Lartë Gjyqësor, të Këshillit të Lartë të Prokurorisë, të Inspektorit të lartë të Drejtësisë, të Këshillit të Emërimeve në Drejtësi si dhe të Shkollës së Magjistraturës.
