Përplasje në disa rrugë të Tiranës, policia shoqëron disa protestues

Situata vijon të mbetet e tensionuar në rrugët e Tiranës, ku përplasjet mes protestuesve dhe policisë po zhvillohen në çdo rrugicë.

Gjatë gjithë ditës së sotme, protestuesit kanë sulmuar institucione publike dhe private, si dhe një sërë biznesesh, duke i djegur dhe plaçkitur.

Po ashtu, protestuesit kanë sulmuar me gurë dhe sende të forta policinë, ndërsa uniformat blu, si kundërpërgjigje, kanë përdorur ujë dhe gaz lotsjellës.

Ndërkohë, në mbrëmje, policia ka nisur edhe shoqërimin e disa protestuesve.