Prej fillimit të punimeve të parlamentit këtë vit, çdo seancë është bllokuar nga opozita.
Këtë herë, Partia Demokratike bllokoi foltoren pasi për herë të dytë mazhoranca socialiste refuzoi kërkesën e saj për mocion me debat për lidhjet e kryeministrit Edi Rama me ish-zyrtarin e lartë të FBI.
LUCIANO BOCI
KRYETAR I GRUPIT PARLAMENTAR, PD
“Frika e tij për t’u paraqitur tregojnë më shumë se fjalët e tua për ta mbrojtur. Ai duhet të vijë të paraqitet këtu. T’i nënshtrohet dhe interpelancës, por edhe mocionit me debat të kërkuar nga deputetët e PD. “
TAULANT BALLA
KRYETAR I GRUPIT PARLAMENTAR, PD
“Arsyeja e kësaj pamje të kuvendit nuk ka të bëjë me hetimin ne SHBA, atje nuk ka asnjë zyrtar shqiptar në hetim. Fiks një javë më parë, djali i Sali Berishës, ishte para SPAK.”
Edhe deputetët që nuk e pranojnë Sali Berishën si kryetar të PD, u bashkuan me revoltën e opozitës, pasi kryeministri Edi Rama nuk mori pjesë në seancë, duke ia deleguar interpelancën ministres për marrëdhëniet e parlamentit, Elisa Spiropali.
Kryetarja e kuvendit Lindita Nikolla përjashtoi nga parlamenti deputetin demokrat Gazment Bardhi, por ky vendim e acaroi më shumë revoltën e deputetëve të opozitës.
Mazhoranca e mësuar tashmë me bllokimin e foltores tërhoqi fjalimet e deputetëve të saj për të mbyllur sa më shpejt seancën.
Dhe mes bilbilave dhe revoltës së deputetëve të opozitës, mazhoranca miratoi të gjitha ligjet e parashikuara në rendin e ditës.
