Konferenca e Këshillit të Sigurimit të OKB-së u shoqërua në përplasje mes zyrtarëve të Bashkimit Evropian dhe Rusisë.
Ambasadori rus në OKB Vassily Nebenzia u largua nga salla pas deklaratave të Presidentit të Këshillit Evropian ,Charles Michel, i cili akuzoi Moskën për nxitjen e një krize globale ushqimore me luftën e saj në Ukrainë.
CHARLES MICHEL
PRESIDENT I KËSHILLIT EVROPIAN
” Zoti ambasador i Federatës Ruse, le të jemi të sinqertë,Kremlini është duke përdorur furnizimet me ushqim si armë kundër shteteve në zhvillim. Pasojat dramatike të luftës së Rusisë janë duke u përhapur në gjithë botën dhe janë duke ndikuar në rritje të çmimeve dhe shtyrje të njerëzve drejt varfërisë, duke destabilizuar rajone të tëra. Rusia është përgjegjëse për krizën me ushqime”
Zyrtari i lartë i Brukselit ka pretenduar se ka parë vetë miliona tonë të drithërave të bllokuar në portin ukrainas të Odesas, për shkak të bllokadës detare të vendosur nga Rusia.
Pas largimit e tij nga salla ambasadori rus tha se ai nuk ka mundur të qëndrojë në sallë për shkak të “gënjeshtrave që ka përhapur Michel”.
Presidenti rus, Vladimir Putin, ka deklaruar se synimi i tij nuk është kriza ushqimore dhe se do të lejojë ekportet e grurit nga Deti i Zi.
Referuar mediave të huaja Turqia dhe Rusia kanë arritur një marrëveshje paraprake për të zhbllokuar eksportet e produkteve bujqësore të Ukrainës nga një port kyç në Detin e Zi.
Sipas raportimeve, zbatimi i planit do të jetë nën kujdesin e Kombeve të Bashkuara, ndërsa do të lejohen heqjen e minave nga ujërat bregdetare në rajonin e Odessa dhe do të sigurojë dërgimin e sigurt të anijeve me grurë nga Deti i Zi në Detin Mesdhe.
