Julian Ballta, avokati i Ension Burakut, njërit prej katër të arrestuarve për përplasjen me armë zjarri në Shkodër, ka reaguar pas vendimit të Gjykatës së Shkodrës, e cila caktoi masën e sigurisë “Arrest me burg”.
Gjatë një prononcimi për mediat, Ballta deklaroi se kishte kërkuar “Arrest shtëpie” për klientin e tij, me pretendimin se ishte Mirsad Meta ai që ka qëlluar në drejtim të Ension Burakut, ndërsa thekosi se ky i fundit, ka shkëmbyer zjarr për vetëmbrojtje.
“Gjykata vendosi arrest me burg per kater personat ne kerkim. Kerkesa jone ka qene per arrest ne shtepi, kemi ngulut kembe ne qendrimin tone, sic pretendon edhe klienti im qe ka ardhur ne shkoder per nje sqarim. Ension Buraku, ka ardhur per nje takim ne Shkoder, ato njiheshin me njeri tjetrin nuk kishte qellim per shkembim zjarri apo atentat. Per shkak te konflikteve ka pasur arme me vete, te gjithe kane deklaruar se Ensioni nuk kishte qellim per shkembim zjarri, Mirsad Meta ka qelluar ne drejtim te Ension Burakut dhe per t’u mbrojtur kane shkembyer zjarr per vetembrojtje.”
Ndër të tjera, avokti tha se të arrestuarit kanë dëshmuar se ata kanë qenë në konflikt para 3 ose 4 vitesh për hatërmbetje, por mohoi të jenë konfrontuar për pazare droge.
