Përplasi për vdekje dy persona, prangoset shoferi i Audi-t
Arrestohet në flagrancë 25 vjecari I cili mbrëmjen e kaluar aksidentoi për vdekje një person që ishte pasagjer në një motorciklete që lëvizte ne një fshat të Elbasanit.
A.Sh., 25 vjeç, banues në fshatin Jagodin, u prangos pasi duke drejtuar mjetin tip “Audi”, në aksin rrugor Elbasan- Cërrik, në fshatin Shirgjan, është përplasur me motoçikletën, dhe për pasojë kanë humbur jetën drejtuesi i motoçikletës shtetasi E.D., 35 vjeç, dhe pasagjeri i motoçikletës shtetasi F.Q., 56 vjeç, banues në fshatin Shirgjan, Elbasan.
Ndërkohë rrugorët e Elbasanit arrestuan edhe dy persona të tjerë, konkretisht J.T., 28 vjeç, banues në fshatin Shirgjan, Elbasan dhe L.T., 33 vjeç, banues në Elbasan, pasi janë kapur nga shërbimet e Policisë Rrugore, duke drejtuar mjetet në gjendje të dehur.
