Policia e Fierit vuri në pranga këtë të premte shoferin që përplasi për vdekje një 50-vjeçar në 5 janar.
Shtetasi me inicialet E. Dh., 38 vjeç, drejtonte një mjet tip furgon në momentin që aksidentoi 50-vjeçarin.
Më pas ai u largua nga vendi i krimit. Për këtë ngjarje u ndalua edhe pasagjeri i mjetit, i cili akuzohet se nuk ka kallëzuar krimin.
Viktima u gjet pa shenja jete në buzë të rrugës. Ai po kthehej nga puna dhe po lëvizte me biçikletë kur u godit nga furgoni.
