Përplasën makinat/ Shoferët dalin dhe dhunojnë njëri-tjetrin me sende të forta

Dy makina u përfshinë në një aksident rrugor këtë të martë në qendër të Elbasanit, te rrethrrotullimi i “1 Majit”.

Nga aksidenti nuk pati të lënduar, por vetëm dëme të vogla materiale. Mirëpo shoferët e zemëruar dolën nga mjetet e tyre dhe nisën të fajësojnë njëri-tjetrin për shkakun e aksidentit.

Debati degjeneroi në përdorimin e sendeve të forta dhe për pasojë, një prej drejtuesve të mjeteve mori disa plagë në trup. Ai u dërgua në spitalin e Elbasanit.