Përplas për vdekje 66 vjeçarin me biçiklete, ikën nga vendngjarja

Një 66 vjeçar ka humbur jetën mbrëmjen e së dielës si pasojë e përplasjes nga një makinë.

Ngjarja ka ndodhur në aksin rrugor Seman – Fier, ku një mjet i pa identifikuar duke lëvizur në rrugë ka aksidentuar shtetasin R.K, 66 vjeç, banues në Dermënas, i cili po lëvizte me biçikletë.

Sipas policisë i aksidentuari për shkak të plagëve të marra ka ndërruar jetë në Spitalin Rajonal Fier.