Përmbytjet në Nigeri, shtyhet nisja e vitit të ri shkollor
Viti i ri shkollor në Niger do të nisë pothuajse një muaj me vonesë për shkak të reshjeve të dendura dhe përmbytjeve.
Sipas BBC, autoritetet kanë shtyrë datën e fillimit të shkollave nga 2 në 28 tetor.
Gjatë javëve të fundit, vendi i Afrikës Perëndimore është goditur nga rrebeshe të pamëshirshme, duke rezultuar në mbi 300 vdekje ose për shkak të mbytjes ose shembjes së ndërtesave, sipas ministrisë së Brendshme.
Komiteti Ndërkombëtar i Shpëtimit raportoi se mbi 800,000 njerëz janë prekur nga përmbytjet. Organizata thotë se vende si Nigeri, Mali dhe Nigeria po përballen me disa nga “përmbytjet më të këqija në 30 vjet”.
Ashtu si vendet e tjera në rajonin gjysmë të thatë Sahel të Afrikës Perëndimore, Nigeri po vuan nga ndikimi i ndryshimeve klimatike. Përveç përmbytjeve, ajo ka përjetuar edhe thatësira dhe dështime të të korrave vitet e fundit.
Shkencëtarët thonë se shumë ngjarje ekstreme të motit, duke përfshirë përmbytjet dhe thatësirën, po bëhen më të shpeshta dhe intensive si rezultat i ndryshimeve klimatike.
