Përmbytet Bibloteka Kombëtare, dëmtohen 12 mijë materiale

12 mijë materiale të Biblotekës Kombëtare janë dëmtuar si pasoje reshjeve të vrullshme të shiut të 23 qershorit.

Bibloteka Kombëtare bëri të ditur se është konstatuar sasi uji në një nga sallat në katet e nëndhshme,

Mësohet se uji në hapësira depozituese të koleksioneve biblotekare ka dëmtuar libra, revista e gazeta. Fatmirësisht lagështia nuk ka prekur mjediset ku ruhet Fondi i vlerave të rralla dhe Arkivi i librit e i periodikut shqip.

Ndërkohë rezulton se është tharë 70 % e materialeve të dëmtuara dhe vijon puna për tharjen e materialeve të tjera.

Bibloteka Kombëtare shpalli gjendjen emergjente dhe bëri të ditur mbylljen e saj nga data 25 deri më 30 qershor.