Pesë persona mbetën të plagosur mëngjesin e sotëm në qytetin e Korçës. Ata ishin pjesëtarë të familjes Tata nga Cërriku, që po udhëtonte drejt Greqisë. Policia bëri të ditur se makina doli nga rruga në afërsi të fshatit Zvezdë. Dyshohet se shkak i aksidentit ishte shpejtësia e lartë. Automjeti përfundoi në një kanal me ujë, por fatmirësisht të lënduarit kanë marrë në kohë ndihmën e parë, duke u dërguar në spitalin e Korçës. Nga të lënduarit, vetëm Bardhyl Tata ndodhet në gjendje kritike për jetën.
