Situata e zjarrit në Parkun Kombëtar të Lurës vijon të jetë problematike, ndërsa flakët, aktive prej dy ditësh, janë përhapur gjatë natës drejt zonës së Gjagjishtit dhe pllajave të Lanë Lurës.
Gjatë ditës së djeshme në operacionet për shuarjen e flakëve u angazhuan rreth 100 persona, forca të Bashkisë, Emergjencave Civile, shërbimit zjarrfikës dhe vullnetarëve. Në ndihmë të operacionit u vunë edhe dy helikopterë.
Pavarësisht ndërhyrjes, situata vijon të përkeqësohet. Në terren kanë mbërritur sot edhe 40 efektivë ushtarakë të Batalionit të Mbështetjes, të cilët do t’u bashkohen forcave që po punojnë për izolimin e vatrës.
Pritet sërish ndërhyrja nga ajri për të vënë nën kontroll situatën, pasi ndërhyrja nga toka është e vështirë si pasojë e mungesës së rrugëve pyjore dhe erës së fortë që favorizon zjarrin.
