Për Edvin Kullurin, kryedemokrati Lulzim Basha është një sundimtar lindor, dhe jo një “pro-amerikan”.

 

Teksa fliste për mbledhjen e Kryesisë së grupit parlamentar të Partisë Demokratike mbajtur ditën e sotme, Kulluri, i cili është pjesë e grupimit “Për PD-në”, thekson se partia ka nevojë për lidership të ri, pasi sipas tij, selia blu është kthyer në një “turli gënjeshtrash” nën udhëheqjen e Lulzim Bashës.

 

“Basha si gjithmonë është një njeri që prodhon gafa. Reagimi i Berishës ishte korrekt. Partia është çarë dhe zvogëluar me Bashën nën drejtimin e tij këto tetë vite. Flasin humbjet. Berisha, me autoritetin që ka në PD, më shumë se çdo individ tjetër, nuk zhbëhet me retorikë. Kjo parti drejtohet në mënyrë personale, arbitrare. Kjo histori duhet marrë fund. Basha një satrap lindor, vetëm ai nuk mund të jetë pro-amerikan. Partia ka nevojë për lidership të ri. Ka nevojë për një qasje të qartë ideologjike që partisë i mungon prej tetë vitesh. Jemi një turli mediokriteti dhe gënjeshtrash që i janë dhënë njerëzve çdo katër vite.”

Leave a Reply

Your email address will not be published. Required fields are marked *