Një përfaqësi prej 10 personash mori pjesë 2 orë në takimin me ministrin Andis Salla dhe Petrit Malaj, pas protestës kundër skemës së re të bujqësisë.
Nga ministri fermerëve u është premtuar që skema e mbështetjes mund të rishikohet në shtator. Do pritet deri në qershor, kur fermerët do të kenë mundësinë e parë për të përfituar nga rimbursimi me 10% i çdo fature dhe në varësi të ecurisë së kësaj mbështetjeje, do të diskutohet sërish për të rritur ose jo masat e mbështetjes në blegtori e bujqësi.
Sa i takon skemës së mbështetjes për naftën, ajo është hequr dhe sipas përfaqësisë së fermerëve, ministria nuk pranon ta negociojë këtë pikë.
Pas përfundimit të takimit pati përplasje mes fermerëve që ishin jashtë dhe atyre në takim. Fermerët që ishin në pritje u shprehën se duan zgjidhje sot dhe jo në shtator
