Përfundon takimi i dytë Rama- Meta
Kryeministri Edi Rama dhe kryetari i Kuvendit, Ilir Meta kanë përfunduar takimin e dytë të ditës së sotme, i cili ka zgjatur rreth 90 minuta.
Nuk është bërë publike asnjë detaj nga takimi i zhvilluar në Kryesinë e Kuvendit, teksa nga media njoftohet se, PDIU dhe LSI kanë zgjedhur përfaqësuesit e tyre Komisionin e Posaçëm Parlamentar për ngritjen e trupave të Vetingut.
Kështu PDIU ka zgjedhur, kryetarin e saj Shpëtim Idrizi, ndërsa LSI ka zgjedhur kryetarin e grupit parlamentar, Luan Rama.
Partia Socialiste ende nuk ka paraqitur propozimet e saj për komisionin e Posaçëm Parlamentar për ngritjen e trupave të Vettingut.
Ndërsa Partia Demokratike ka bojktuar tashmë Kuvendin prej 17 ditësh, që prej protestës së 18 shkurtit dhe çadrës së ngritur përpara Kryeministrisë.
