Këtë të dielë qytetarët e Kukësit iu drejtuan kutive të votimit për të zgjedhur kryebashkiakun e ri, mes Albert Halilajt nga Partia Socialiste dhe Emri Vata i koalicionit ‘Bashkë Fitojmë’.
Ora 19 shënoi mbylljen e procesit të votimit dhe shifrat paraprake tregojnë se 41.76 përqind e qytetarëve ushtruan të drejtën e votës.
Procesi përgjithësisht ishte i qetë, sipas kreut te KQZ, Ilirjan Celibashi, i cili shtoi se po shqyrtojnë një ankesë nga përfaqësues së koalicionit ‘Bashkë Fitojmë’ në lidhje me prezencën në disa qendra të votimit të personave që mbanin shënim zgjedhësit.