Përfshihet nga flakët një stan në Maliq, digjen disa krerë bagëti

Një stan bagëtish është përfshirë nga flakët pasditen e kësaj të diele në fshatin Kakaç të Maliqit. Nuk raportohet për persona të lënduar, por janë djegur disa bagëti.

Ndërhyrja e mjeteve zjarrfikëse ka bërë të mundur fikjen e flakëve që mund të përfshinin ambiente të tjera rreth stallës, por pa arritur të shpëtonin tufën e bagëtive.

Ndërkohë, policia po heton shkakun e zjarrit dhe nga hetimet paraprake dyshohet qe të jetë aksidental.