Trajneri i Manchester City Pep Guardiola, e ka hedhur poshtë teorinë se Premier League është kampionati më intensiv në botë.
Shumë tifozë dhe kritikë pretendojnë se kur vjen fjala tek kampionati anglez, qëndron shumë lartë nga rivalët e La Liga apo BundesLiga. Duke pasur eksperienca tek të treja këto kampionate, respektivisht në Spanjë me Barcelonën dhe në Gjermani me Bayern Munich, Guardiola është i mendimit se tek kjo lloj ide, ka pak baza.
“Dëgjoj shpesh për vështirësinë e Premier League si kampionat, por askush nga ju nuk ka drejtuar në La Liga apo në Bundesliga që të flasë me siguri për këtë fakt” – ka thënë Guardiola gjatë një interviste.
“Problemi mbase qëndron se këtu janë më shumë ndeshje për t’u luajtur, por mënyra sesi luajnë në Gjermani, është fantastike. Mendoj se duhet të respektoni kampionatet e tjera, dhe mënyrën sesi ata luajnë.”
“Sigurisht që Barcelona është një makineri. Tre lojtarë të mrekullueshëm në sulm, kudërsulm i mirë, mënyra si vendosen. Kur ata fitojnë 4-0, është sepse e meritojnë të fitojnë 4-0.”
“Mendoj se çdo kampionat ka pikat e veta të forta. Këtu mbase ka më shumë ndeshje për ‘tu luajtur, por intesiteti është i njëjtë në çdo kampionat.”
