Me qirinj të ndezur në duar, mijëra besimtarë katolikë iu drejtuan Kishës së Shna Ndout në Laç mbrëmjen e së enjtes.
“Besimtarët e kalojnë natën në vendin e shenjtë. Në këtë mënyrë mbyllet edhe pelegrinazhi i 13 të martave. Kisha Shna Ndout mbetet një nga më të vizituarat në të gjithë Shqipërinë”.
Që prej mesit të marsit, çdo të martë, besimtarë nga e gjithë Shqipëria, vizituan kishën e Laçit, për të kërkuar ndihmë, shpresë dhe bekimin e shenjtit të njohur për mrekullitë e tij, Shna Ndout.
“Shpresoj të na ndihmojë të gjithëve, kisha nevojë të vija për të besuar.”
“Unë vij çdo vit.”
“Kjo është hera e 4 që vij. Kam 10 fëmijë, dhe i jam falenderuese Zotit, të gjithë i kam mirë.”
Një mesazh e kishte edhe Ipeshkvi i Tiranë-Durrësit, Imzot Arjan Dodaj.
“Njerëzit jam pasuruar me makinë e shtëpi, po ndjejnë gjithnjë e më shumë domosdoshmërinë për të pasuruar shpirtin dhe për të besuar për familjen, të afërmit, fëmijët”, tha Izmot Arjan Dodaj.
Për shumë vetë, pjesëmarrja në këtë pelegrinazh është një përvojë shpirtërore unike, teksa Kisha dhe zona përreth saj shndërrohen në një qendër të gjallë të besimit të krishterë.
