PD: Të rishikohet buxheti, qeveria 40 herë fonde më shumë për oligarkët sesa për koronavirusin
PD propozon rishikimin e menjëhershëm të buxhetit të vitit 2020.
Objektiv kryesor sipas PD, duhet të jetë rritja e fondeve në buxhet për mbrojtjen shëndetësore në tërësi si dhe rritja e fondeve në buxhet për mbrojtjen sociale, sidomos ndaj atyre të moshës së tretë.
Alokimin e fondeve të nevojshme në përballimin e kostove për testimet për personat që mund të jenë prekur nga COVID -19 dhe për trajtimin e të sëmurëve, numri i të cilëve është rritur që nga momenti i zbulimit të “pacientit 0” dhe pritet të rritet dita-ditës. Nuk duhet të ketë mungesë fondesh për të blerë të gjitha pajisjet, kitet e nevojshme testuese dhe aparaturat për trajtim, sepse koha nuk pret, koha kushton jetë!
Sipas selisë blu, qeveria ka planifikuar 40 here me shume fonde për oligakarkët sesa për luftën kundër koronavirus.
Këto alokime fondesh dhe mbështetja me fonde të menjëhershme janë plotësisht të mundura, po të kemi parasysh se vetëm gjatë këtij viti, qeveria ka planifikuar të harxhojë 40 herë më shumë për PPP-të, sesa ka alokuar për koronavirusin: 120 milionë euro janë planifkuar për 10 oligarkë dhe 12 PPP, ndërkohë që vetëm 3 milionë euro janë alokuar për krizën e koronavirusit.
