Sekretari i Partisë Demokratike Elbasan këtë të mërkurë përmes një konference për mediat ka denoncuar mungesën e ngrohjes në shkollat e qytetit.
Sipas Blendi Himçit shumë shkolla si në qytet ashtu edhe në fshat janë duke vijuar mësimin në kushte migjeniane .
Për këtë ai ngre pyetjen se ku është investuar dhe sa është fondi i parashikuar nga bashkia e Elbasanit për ngrohjen në shkolla?
Ky fakt pohohet edhe nga nxënësit e disa prej shkollave të Elbasanit të cilët konfirmojnë se ngrohja e vetme që ata kanë arritur të sigurojnë është permes rezistencave .
Sipas Himçit shuma prej 200 milionë lekë që u përdor për zbukurimin e qytetit me rastin e festave të fundvitit mund të ishte përdorur në investimin e ngrohjes në shkolla.