7 mije anetare te Partise Demokratike do te mblidhen neser ne Pallatin e Kongreseve per te vendosur rrugen ku do te ece PD ne kete mandat te trete ne opozite. Kuvendi Kombetar qe eshte organi me i larte i PD do te nise ne oren 11.00 me fjalen e Lulzim Bashes, me pas do te flasin 19 politikanet qe drejtuan betejen per 25 prillin ne te gjithe vendin, e ne fund eshte parashikuar nje hapesire per diskutime.
Te shtunen, ne Kuvend do te miratohet edhe statuti ri, si dhe do te zgjidhen 300 anetaret e Keshillit Kombetar.
Por, me shume se lista e folesve dhe çeshtjet qe do te votohen; moment me i rendesishem i Kuvendit eshte mesazhi qe do te percjelle Lulzim Basha.
Kryetari i demokrateve ka folur shume rralle pas humbjes se zgjedhjeve te 25 prillit, duke iu shmangur sfidave me te cilat perballet Partia Demokratike, e cila si asnje force tjeter politike ne Shqiperi, do te qendroje 12 vjet ne opozite.
Ka pasur disa zera brenda dhe jashte PD qe kane bere thirrje per ndryshim; por deri tani asnje veprim i Bashes nuk flet per reforme. Ndryshimet ne statut nuk sollen asnje risi dhe analiza e humbjes nuk nxori asnje problem e asnje gabim te Partise Demokratike ne garen per 25 prillin. Por Kuvendi eshte i vetmi forum ku ish-kryetari i PD, Sali Berisha nuk ka munguar asnjehere. Qe prej ardhjes se Bashes ne krye te PD, Berisha ka zgjedhur te mos flase ne kete forum; por kete here duket se situata ka ndryshuar.
Vete Berisha e ka lene te hapur mundesine se do te dale ne foltoren e Kuvendit me nje mesazh per demokratet, por ende nuk e ka vendosur perfundimisht. Marredhenia mes Berishes e Bashes duket se ka ndryshuar ne muajt e fundit, veçanerisht pas shpalljes non grata te Berishes nga Shtetet e Bashkuara te Amerikes; çeshtje per te cilen Basha ka heshtur.
Ndersa vete Berisha ka vendosur te heqe dore nga mbeshtetja e plote ndaj Bashes, duke mos i kursyer kritikat, e per me teper duke deklaruar se eshte i gatshem te kthehet ne krye te PD.
