PD, letër KQZ pas humbjes: Duam pamjet filmike të çdo KZAZ-je

Partia Demokratike, përmes Ivi Kasos i është drejtuar KQZ-së me një shkresë, ku i kërkon që t’i vihen në dispozicion të dhënat teknologjike.

Në shkresën që mban firmën e Sekretarit Ligjor, PD kërkon pamjet filmike në çdo KZAZ, pamjet e regjistrimit të fletëve të votimit, të dhënat e grumbulluara nga identifikimi biometrik dhe të dhënat e kryqëzuara nga identifikimi biometrik dhe listave të zgjedhjeve të nënshkruara mekanikisht.

Sipas demokratëve, komisionerët, numëruesit dhe vëzhguesit kanë konstatuar parregullsi në procesin zgjedhor.