Koalicioni “Bashkë Fitojmë” ka një emër kryetari, i cili është Sali Berisha. Emri i Berishës kërkohet të vihet në fletën e votimit të 14 majit, ku çdo subjekt ka përbi edhe emrin e atij që e drejton. Në mbledhjen e kësaj të mërkure në Komisionin e Ankimimeve dhe Sanksioneve po diskutohet kërkesa e PD, e cila kërkon që në fletën e votimit të vendoset emri i kreut të PL, Ilir Metaj.
Por Partia e Lirisë përmes një shkrese të dërguar nga Endrit Braimllari në KQZ ka informuar që kreu i koalicionit është Sali Berisha.
Në këtë formë, pas disa ditësh diskutimesh e polemikash nga politikanë e analistë, Berisha dhe Meta duken se në konsensus kanë vendosur se kujt do t’i përkasë lidershipi i koalicionit.
Megjithatë nuk dihet sa do të pranohet kjo kërkesë e Partisë së Lirisë për të caktuar Berishën si kreun e koalicionit, pasi , relatori i çështjes në KAS, Koli Bele, nënvizoi se Endrit Braimllari nuk e ka në tagerin e tij dërgimin e kësaj kërkese.
