PD i përgjigjet Ramës: Shqiptarët të njohin mirë, turpet e tua nuk i ka harruar njeri

Partia Demokratike i kundërpërgjigjet kryeministrit Edi Rama, pas reagimit të këtij të fundit për akuzat e hedhura për nxjerrjen e studentëve nga konviktet, që të strehohen afganët.

Demokratja Albana Vokshi deklaroi se shqiptarët e dinë mirë se kush shpif, ndërsa e akuzoi shefin e qeverisë se ka penguar liberalizimin e vizave.

“Prodhuesin numër një të shpifjeve në këto 30 vite shqiptarët e njohin mirë. Ia njohin bëmat, sidomos ato që nuk synonin vetëm dëmtimin e imazhit të Shqipërisë, por edhe pengimin e një prej arritjeve më të mëdha për shqiptarët, liberalizimin e vizave. Turpet e tua nuk i ka harruar njeri, prandaj kursejua qytetarëve shkulmet prej hipokriti.”