Eksperti i Ekonomisë së PD, Dorjan Teliti i është kundërpërgjigjur ministrit të Rindërtimit, Arben Ahmetaj për planin ekonomik të Partisë Demokratike.
Përmes një postimi në “Facebook”, Teliti garanton se PD është pro Rindërtimit, por kundër abuzimit, ndërsa shtoi se me taksën e sheshtë 9%, të punësuarit do të paguajnë më pak se sot.
Po ashtu, ai siguroi se programi politik i PD ka për synim të ulë sigurimet shoqërore dhe çmimin e karburantit.
“1.Me taksen e sheshte 9% mbi pagat te gjithe te punesuarit do te paguajne me pak sesa sot (13-23%), pasi ne do te ruajme FASHEN EKZISTUESE te perjashtimit te 30mije lekshit te pare. Cdo biznes i madh me taksen e sheshte 9% mbi fitimin do kete me shume para per investime e hapje vendesh te reja pune (jo thjesht formalizime si keto 8 vite te zymta per ekonomine shqiptare). 2.Jemi PRO RINDERTIMIT, por KUNDRA ABUZIMIT, pasi nje grusht njerezish afer qeverise po marrin pa gare cdo tender. 3.Ne do ti ulim ne 18% sigurimet shoqerore, do ulim edhe cmimi e karburantit, pasi parate qe sot i coni per PPP e per mobilime zyrash, ne do ti cojme te biznesi i ndershem i ketij vendi.”
