Pazari i Ri i Tiranës fitoi dje çmimin si projekti i Rinovimit 2018 nga Emerging Europe Awards (EEA) në Londër.

 

Nënkryetari i Bashkisë së Tiranës, Arbjan Mazniku, falenderoi jurinë për vlerësimin e projektit të rehabilitimit të Pazarit të ri, i cili nga një ngrehinë e rrënuar, në një kohë të shkurtër, u transformua në një nga pikat më tërheqëse turistike të kryeqytetit, duke ofruar një shumëllojshmëri aktivitetesh ekonomike e kulturore.

 

“Për ne Shqiptarët është inkurajuese që patëm në listën e shkurtër dy projekte, përfshirë edhe ‘Pazarin e Korçës’, një tregues i qartë se programi i Rilindjes Urbane ka dhënë efekte madhore në rivitalizimin e qyteteve tona”.

 

Pazari i Ri u përzgjodh fitues pas konkurrencës së fortë me nëntë kandidatë të tjerë, si qendra historike e Timishoarës, salla e tregut 100-vjeçar të Varshavës “Koszyki”, sheshi Mynta në Lviv (Ukrainë) etj.

 

Ky çmim vjen dy ditë pas vlerësimit që iu bë në Barcelonë sheshit “Skënderbej”, si hapësira më e mirë publike në Europë për 2018.

 

One thought on “Pazari i Ri merr çmim si projekti më i mirë për 2018 në Londër

Leave a Reply

Your email address will not be published. Required fields are marked *