Policia e Shtetit ka ndermarre nje aksion masiv antidroge ne disa zona te veriut te vendit.
Kontrollet ne Theth, Malesi te Madhe, Vaun e Dejes dhe disa zona periferike te Shkodres kane bere te mundur zbulimin dhe asgjesimin e 3491 bimeve kanabis.
Në kuadër të fazës së shtatë të megaoperacionit policor antikanabis të koduar “Alpe të pastra”, policia ka zbuluar me anë të dronëve 6 raste të kultivimit të bimëve narkotike.
Në kuadër të kësaj faze, u asgjësuan në total 3491 bimë narkotike cannabis sativa, prej të cilëve: 304 bimë në Pult dhe Theth, Shkodër; 1021 bimë në fshatin Rrapsh, Malësi e Madhe; 2166 bimë në fshatrat Shllak dhe Temal, Vau i Dejës.
Në operacion u përfshinë 100 forca policore të Komisariateve të Policisë Shkodër, Vau i Dejës dhe Malësi e Madhe, si dhe 6 dronë.
Megaoperacioni policor antikanabis “Alpe të pastra”, vijon.
Materialet procedurale i kaluan Prokurorisë Shkodër, për veprime të mëtejshme hetimore.
