“Pasaporta e vaksinimit, akt fashizmi”/ Protesta të mëdha në anti-Covid në Slloveni
Mijëra njerëz u mblodhën në kryeqytetin slloven, Lubjanë, për të protestuar kundër ashpërsimit të masave Anticovid.
Protestuesit marshuan në qendër të qytetit duke mbajtur pankarta që lexonin “Stop Corona Fashizmit” dhe “poshtë diktatura” . Demonstruesit kundërshtuan masat e fundit të qeverisë e cila vendosi që të gjithë punonjësit në institucione shtetërore duhet të paraqesin certifikatën e vaksinimit, vërtetimin që kanë kaluar sëmundjen ose testin PCR.
Ata i cilësuan kufizimet si diskriminuese, ndërsa kërkuan të drejta të barabarta si për ata që janë të vaksinuar ashtu edhe për ata që nuk kanë refuzuar injeksionin.
Por protesta u përshkallëzua në përplasje mes demonstruesve dhe policisë. Forcat e rendit përdorën gaz lotsjellës edhe ujë për të shpërndarë turmat.
Protesta u zhvillua ditën kur udhëheqësit e BE-së dhe të Ballkanit perëndimor u mblodhën për një samit mbi integrimin e rajonit. Protestuesit pretenduan që të tërhiqnin më shumë vëmendjen e mediave nga gazetaret e huaj që mbulonin këtë ngjarje.
