Sekretari Amerikan i Shtetiti, Antony Blinken, pas takimit me të rinjtë shqiptarë që kanë përfituar nga programet edukative të vendit mik dhe që sot luajnë një rol thelbësor në forcimin e marrëdhënieve të Shqipërisë me SHBA te Piramida, ka mbërritur në ambientet e kryeministrisë.
Ai pritet të takohet me kreun e qeverisë Edi Rama.
Ndërkohë, në ambientet e kryeministrisë ka mbërritur edhe ish-ambasadorja amerikane Yuri Kim.
Më pas, sipas agjendës, është parashikuar konferenca e përbashkët me Edi Ramën para gazetarëve.
Prej orës 11:26 Sekretari Amerikan i Shtetit vijon vizitën zyrtare në Tiranë. Në aeroportin “Nënë Tereza” u prit nga ministri i Jashtëm Igli Hasani dhe i deleguari me punë i ambasadës amerikane në Tiranë.
Takimin e parë në kryeqytetin shqiptar e pati me disa përfaqësues të familjeve afgane të cilat strehohen në Shqipëri pasi i ikën talebanëve në Afganistan.
Më pas u takua me presidentin Bajram Begaj në presidencë. Kryeministri Edi Rama i cili udhëtoi nga Brukseli drejt Tiranës e priti numrin dy të administratë amerikane tek Piramida
/vizionplus.tv