Pas më shumë se dy dekadash duket se tashmë është gati marrëveshja midis liderve të pesë shteteve të Detit Kaspik. Pritet që të nënshkruhet një konventë për statusin ligjor të detit të pasur në qytetin e Kazakistanit, Aqtau më 12 gusht.
Nënshkrimi do të jetë “ceremonia kryesore” e samitit, në të cilën do të marrin pjesë presidentët e Azerbajxhanit, Iranit, Kazakistanit, Rusisë dhe Turkmenistanit, është thënë në një deklaratë të lëshuar nga Kremlini.
Ndërkohë debatet nëse Kaspiku është det apo liqen kanë nisur prej rënies së Bashkimit Sovjetik më 1991, duke lënë pesë vende me dalje në det, në vend të dy sa kanë qenë më parë, Bashkimit Sovjetik dhe Iranit.
Këto shtete kanë qenë duke punuar për arritjen e një marrëveshjeje prej vitit 1996, është thënë në deklaratën e Kremlinit. Kaspiku njihet për pasuri të madhe të naftës dhe rezerva të gazit.
Në një draft të marrëveshjes të siguruar nga Rel, shihet se shtetet do të pajtohen që Kaspiku është det. Nëse nënshkruhet kjo marrëveshje, pesë vendet në fjalë do t’i shënojnë ujërat territoriale të tyre dhe burimet do t’i shfrytëzonin sipas dëshirës së vet, derisa nëse klasifikohet si liqen atëherë burimet do të ndahen njëjtë mes shteteve.
Drafti i marrëveshjes ndalon prezencën e ndonjë force ushtarake, përveç forcave bregdetare të shteteve përkatëse.
