Pas 3 muajsh konsultime, projektligji për tatimin e profesioneve të lira u miratua në Komisionin e Ekonomisë, mes debatesh dhe kundërshtimesh nga ana e opozitës.
Në janar të këtij viti, shqyrtimi i këtij projektligji u pezullua, për të dëgjuar edhe grupet e interesit, por sipas opozitës, kërkesat e tyre nuk janë reflektuar as në draftin e ri.
BUJAR LESKAJ
DEPUTET I PD
“Duhet të dëgjojmë grupet e interesit sepse ju jeni konfuzë me qëllim në projekt-relacion. Duhet të tregoni propozimet e ardhura dhe si janë reflektuar. Ka pabarazi në sektorë të caktuar duke nisur te biznesi i vogël dhe të vetëpunësuarit ku thoni 0%, pastaj kaloni 15% dhe 23%. Ju tatoni edhe ekspertët, ekspertët në fushë fiskale, por edhe ekspertët në fusha të tjera. Ju e keni hartuar projektligjin bazuar në pabarazi. Rëndoni barrën fiskale në shtresën e mesme që duhet ta kemi në qendër të vëmendjes. Këtë armatë të madhe të ekspertëve dhe të njerëzve të mendimit duhet ta lehtësojmë. Të mos e zhvillojmë votimin, por të dëgjojmë shoqatat përsëri.”
Por deputetët socialistë argumentuan se shoqatat e biznesit, jo vetëm janë dëgjuar, por një pjesë e kërkesave të tyre edhe janë bërë pjesë e projektligjit.
BLERINA GJYLAMETI
DEPUTETE E PS
“Nuk bëjnë dot ligj vetëm për një grup interesi, por duhet të jetë i zbatueshëm për të gjithë. Ky ligj rregullon disa deformime ndër vite. Nuk kemi rënduar tatimin për profesionistët e lirë, paga jonë tatohjej shumë herë më shumë se studioja e avokatit, është e padrejtë. Një biznes I vogël nuk tatohet dot njëlloj si me studion e avokatisë sepse të ardhurat nuk janë njëlloj. Një professor do të tatohet njëlloj me një avokat? Pse njëri që është I punësuar të tatohet kështu, ndërsa ai I vetëpunësuar të evadonte? Kjo gjë ka vendosur normën e drejtë të tatimit, shqetësimet e grupeve të interesit janë reflektuar në ligj.”
EDUARD SHALSI
KRYETAR I KOMISIONIT TE EKONOMISE
“Nuk mund të kënaqen të gjitha palët, por me këtë cversion, kënaqen shumë nga kërkesat e shumë palëve. Jemi për të garantuar procesin gjithëpërfshirës.”
BUJAR LEKSAJ
DEPUTET I PD
“Unë them mendimin tim, ti tund kokën tënde.”
Tatimi i profesioneve të lira do të hyjë në fuqi nga 1 janari i vitit 2024. Profesionet e lira si kontabilistë, avokatë, noterë, mjekë do të tatohen me normat 15% kur fitimi neto vjetor është deri në 14 milionë lekë dhe 23% kur fitimi neto në vit është mbi 14 milionë lekë.
