Krerët e partive shqiptare në Maqedoni zhvilluan sot një takim të përbashkët me qëllim shqyrtimin e pikave të programit të bazuar në “Deklaratën e Përbashkët” dhe qeverisë së re. Në këtë takim të iniciuar nga Ali Ahmeti i BDI-së, takimi vjen në vazhdimësinë e konsultimeve që kanë pasur partitë politike shqiptare.
Kreu i BDI-së bëri një balancë të të gjitha programeve të partive politike dhe kërkoi që takimet me fqinjët të bëhen më të rregullta.
Në takim morën pjesë ai i LR-PDSH-së Ziadin Sela dhe përfaqësues të PDSH-së. Sela u shpreh se jemi të obliguar të marrim pjesë për shkak të Deklaratës së “Përbashkët”.
Por, kreu i Lëvizjes BESA Bilal Kasami i cili nuk mori pjesë në këtë takim, u shpreh se takimi i përbashkët duhej të mbahej brenda ambjenteve të Kuvendit. BESA propozon që në një takim të përbashkët të diskutohet për përpunimin e planit për Propozim-ligjin për gjuhën shqipe dhe formimin e grupeve të punës për implementimin e tij.
Ajo që u vu re në këtë takim ishte pjesëmarrja e përfaqësuesve të PDSH-së, e cila nuk ka qenë pjesëmarrëse në “Deklaratën e Përbashkët”.
Arben Taravari nga LR-PDSH-ja është shprehur më herët se nëse nuk bëhet ligji për gjuhën shqipe, partitë shqiptare do të dalin nga qeveria e Maqedonisë e cila u formua vetëm një muaj më parë.
