Përplasja midis Cekës dhe Murrizit ka vijuar në Spotlight nga Alban Dudushi, në Vizion Plus.
Murrizi shprehet se po kërkon një mundësi, një provë për të qenë pranë qytetarëve. Ceka më tej I është referuar Kodit Zgjedhor, duke shtuar se tashmë është shumë e vështirë dhe ky Kod duket të jetë kundër partive të vogla dhe gjithë atyre opozitare.
Murrizi: Kjo për ne është një provë. Cfarë meraku kanë këta pse do provohemi ne. Ky është risk. Ne po kërkojmë që të shkojmë tek qytetarët të na votojnë edhe si grup, duke kandiduar në çdo qark. Meqë është në Bylis, të pyesë atje: Do ta prishi Bylisin Murrizi nëse do ti marrë 10 mijë vota atje? Pa merak se nuk e prishim. Enveri mund ta prishte. Ai nuk e prishte e la atje ashtu siç është. Po s’ mora mandate ça shqetësoj unë këtu? Çfarë ju shtoj shoqërisë shqiptare.
Ceka: Krijimi I një partie me këtë ligj që kemi besoj e kemi shumë të qartë nuk është parallel me krijimin e Aleancave Demokratike. Këtë desha të vë në dukje dhe nuk është e njëjta gjë me ditët e sotme. Kemi politikanë profesionistë natyrisht dhe duhet llogaritur dhe atë çfarë do të ndodhë pas zgjedhjeve të Prillit.
Murrizi: Nuk vij nga hiçi,nuk më ka marrë kush prej veshi. Në parti kam ardhur vetë, nuk kam dalë nga zyra e Ramizit dhe nuk më ka detyru Sigurimi I Shtetit. Në një farë mënyre jam I lirë dhe lirinë time nuk e kufizon dot as Lyli as Luli.
Ceka: Aluzione nuk duhen se njerëzit kujtojën se mua më ka detyruar Ramiz Alia ..
Murrizi: Jo, unë nuk marr leje për të krijuar lëvizje politike.
Ceka: Këto s’kanë të bëjnë me mua. As sigurimi I shtetit dhe as Ramiz Alia nuk mund të më afroheshin për gjëra të tilla. Ajo që dua të them duke gjykuar nga përvoja politike them se është një iniciativë, e drejtë e juaj ta bënë këtë, e çdo qytetari të përdorë alternativat që jep ligji shqiptar, por Kodi Zgjedhor është jo vetëm kundra partive të reja, por kundra gjithë partive që janë në opozitë.
