Parlamenti padit komisionin: Të merren masa ndaj Polonisë e Hungarisë

Parlamenti Evropian ka paditur komisionin pas refuzimit për të aktivizuar një mekanizëm të ri që mund të ngrijë fondet e BE-së për vendet që kanë shkelur ligjet e unionit.

Padia është dorëzuar në Gjykatën Evropiane të drejtësisë pas  paralajmërimeve të eurodeputetëve për t’i bërë presion ekzekutivit në mënyrë që të marrë masa ndaj shteteve që cenojnë demokracinë, siç është Hungaria dhe Polonia.

Presidenti i Parlamentit të BE-së, David Sassoli, në një postimi në twitter u shpreh se erdhi momenti që komisioni të veprojë.