Parashikimi i motit për ditën e shtunë, çfarë ndodh me temperaturat

Ditën e shtunë vendi ynë do të jetë në ndikimin e kushteve atmosferike të qëndrueshme.

Moti parashikohet i kthjellët në pjesën më të madhe të territorit, ndërsa përgjatë orëve të mesditës deri ato të pasdites alternime vranësirash të pakta deri mesatare kryesisht në relievet malore të vendit.

Sa u përket temperaturave ato do të ulen më 1 gradë në vlerën maksimale, krahasuar me ditën e sotme. Temperaturat ditën e nesërme do të variojnë në 39 gradë celcius në vlerat maksimale dhe ën 17 gradë celcius në vlerat minimale.

Era do të fryjë me drejtim jugperëndim-veriperëndim me shpejtësi mesatare 4 m/s, në lugina dhe bregdet hera-herës fiton shpejtësi 5-7 m/s.

Ndërkohë valëzimi në det do të arrijë 1-2 ballë.