Sistemi kompiuterik “MogIA”, i cili ka parashikuar saktësisht tre zgjedhet e fundit presidenciale në SHBA, ka dalë në përfundim se Republikani Donald Trump do të jetë kreu i ri i Shtëpisë së Bardhë. Sistemi i inteligjiencës artificiale është krijuar nga inxhinjeri Sanjiv Rai, ka përpunuar të dhënat e 20 milion platformave , përfshi Google, Facebook, Twitter dhe YouTube në SHBA dhe ka dalë në përfundim se sipas përllogaritjeve të tij multimiljarderi do të fitojë zgjedhjet. Mes të dhënave të përpunuara ka qenë dhe seksioni live i videove në Facebook . Nga të dhënat rezulton se angazhimi i postimeve të Donald Trump është 25% më i lartë se niveli i postimeve të Barak Obamës, i cili ka shënuar një revolucion për kohën.
Çfarë është Mog IA?
Mog është një sistem kompiuteri i inteligjenciës artificiale i krijuar në vitin 2004. Ai ka parashikuar Fitoren e Republikanit Xhorxh Bush në vitin 2004 dhe Demokratit Barak Obama në vitin 2008 dhe 2012. Gjatë gjithë kësaj periudhe, krijuesi i kompiuterit ka thënë se ai është përmirësuar ndjeshëm në përpunimin e të dhënave dhe është bërë gjithnjë e më shumë inteligjent.
Kush është Sanjiv Rai?
Sanjiv rai është një inxhinjeri dhe shpikës në fushën e kompiuterave. Ai është krijuesi i MogIA, dhe themelues i “Chairperson & Chief Solve” dhe “Chairperson at ARE Technologies”. Ai ka përfunduar studimet në Universitetin e Harvardit dhe atë të Kalkutas. Indiani Sanjiv Rai njihet për kontributin e tij në shkencat kompiuterike, veçanërisht për “Konvergjencën e Inteligjencës Artificiale”, “Rrjetin e Inteligjiences Artificiale” dhe “Komunikimin ne fushat inxhinjerike”.
