Një qytetare në Durrës ërcënohej nga bashkëjetuesi se do ta vriste me armë zjarri. Për pasojë, uniformat blu kanë arrestuar autorin, 32-vjeçarin me iniciale L.D.. Po ashtu, është vënë në pranga edhe vëllai i tij, pasi u kap në banesë me një armë zjarri kallashnikov.
32-vjeçari kishte mbushur pistoletën me plumbin në fole dhe ia kishte drejtuar pistoletën në gojë bashkëjetueses së tij. 2 patrulla policie kanë qenë aty pranë dhe kanë parandaluar gjithçka.
Gjithashtu, po në vijim të veprimeve të thelluara hetimore, u zbulua një banesë në Tiranë, që e përdorte bashkëjetuesi i shtetases K. B. dhe dy shokë të tij, të cilët u shpallën në kërkim.
Gjatë kontrollit në këtë banesë, janë sekuestruar 2 armë zjarri kallashnikov, 2 armë zjarri pistoletë, municion luftarak dhe 2 automjete.
“Shërbimet e Komisariatit të Policisë Durrës, në bashkëpunim me strukturat hetimore të DVP Durrës, pas njoftimit të marrë nga një shtetase e cila ishte e traumatizuar dhe kërkonte ndihmë sepse po e kërcënonte për ta vrarë bashkëjetuesi i saj, kanë vlerësuar njoftimin e marë dhe menjëherë kanë mirorganizuar punën dhe si rezultat i ndërhyrjes profesionale dhe të menjëhershme të punonjësve të Policisë, është bërë i mundur parandalimi i vrasjes së shtetases K. B.”, thuhet në njoftim.