Ish-kreu i Aleancës Kuq e Zi, Kreshnik Spahiu, pas humbjes së PD në zgjedhje e 25 prillit, shprehet se kjo forcë politike po “fundoset si Titaniku”, pasi të gjithë po largohen nga paniku.
Ai shkruan se pas Dukës, priten largime të tjera, duke përmendur Nard Ndokën, Vangjel Dulen, Shpëtim Idrizin dhe Dashamir Shehin.
“PD po fundoset si Titaniku. Të gjithë po largohen nga paniku: Duka sapo iku. Pas Dukës, do largohet Ndoka, Dule, Idrizi, Shehi….. Pas tyre 3 deputetë e LSI me përjashtim Monikës. Ish-presidenti Nishani me 20 drejtues sapo kanë parë që “Titaniku” është shpuar kudo dhe ngado. Nëse hapen kufijtë mijëra demokrat do largohen nga anija e mbushur me llum duke notuar të zhgënjyer drej oqeanit. Do mbetet në fund plaku “Kapiten” dhe “violinisti” muzikën e të cilit askush nuk e dëgjon. Kujdes! Ju që po hidheni… Notoni sa më larg, sepse vorbulla e mbyties anijes mund t’ju zhys thellë. Në të kundërt pas një shekulli do të dilni në sipërfaqe.”
